.............................QUAN VEIGATZ EN ISTE BLOG UNA PAROLA D´ATRA COLOR... PUNCHATZ DENCIMA YE UN ENRASTRE!!

Cabo semana

Iste cabo semana en as Escuelas Pias se presentaran os ebanchelios catolicos traduzius a l´aragones.



Güe, biernes, la P.E.A ba fer un redol de prensa.

O Fote-pilotas

Beluns tienen can porque fan compañia y a la fin ye uno mas d´a familia, o simplamen les fan goyo os animals. Enfolga plegar a casa y ascuitar-lo escañutar, afalagar-lo...
Ye asabelo de entreteniu.
Pero ye muitismo mas entreteniu fer una maquina ta que chugue con o can, y beyer-lo bronxiar.

Como fer a tuya copia de seguridat.

Sin parolas.

Fa falta estar un astralico mano.

Ye luego...


Ye luego (y tampoco no ye fazil) ta que beluns se crompen casa.
Encara que de seguras atros ya se prexinaran como ba a estar, tot que i meteran ta dixar-la polida, as borinas que i feran.
Ta continar prexinando con ixa casa, ta decorar a tuya casa, si es que en-tiens, ta amillorar u redecorar-la, cosa millor que buenas ideyas y a preus populars o mesmo de baldes.

Aduya ta lifaras niponas

Bi-ha muitisma chen barrenata por os costumbres niponas y como no, a suya comida.
Ta toz que ban prebar de minchar con palillos bella begada y a cosa ba plegar mal, tos dixo ista imachen.
Una ideya muitismo de prautica.

Prenzipio d´os sonius d´a Semana Santa

D´antis mas en bellas redoladas d´Aragon se trucaban simplamen palos ta Semana Santa. Dimpues, antimas de carraclas, escomenzipiaron a sentir-se os tambors bombos y demas trastes que agora escuitamos por as carreras.

Ta contimuestra, un boton.

ROMPIDA VS. ROMPER

IXAR (Hijar). A istoria d´iste lugar y a suya redolada ye direutamen ligata con a istoria d´o suyo Señorio.
Chaime I ba romontar-lo escambiando-lo por Tierga en 1267 e ba establir-ie a baronia de Hijar ta o suyo fillo natural Pedro Fernandez de IXAR.

En 1483 os Reis Catolicos ban puyar o Señorio de Hijar ta Ducado. En 1708 Felipe V ba dar-le o titulo de muita noble y leyal. Mientres a guerra Cibil, ba estar fiel t´o gobierno d´a II republica dica 1938 que ba estar prenita por as tropas franquistas.




1987, bideo feito en Ixar.

TITLO: "ROMPIDA DE LA HORA"



2007, bideo feito en Ixar.

TITLO: "ROMPER LA HORA"

!BUENA NUEI!

Umor, ixa ye a parola.
En sentiu amplo, ye una mena de empatía, de coneusion con a chen.
Fa unos meses boi estar en una charrada de marketing publizitario, an que se deziba que cuan a chen no conoxe bella cosa, de primeras a reyación en-ye de zerina y refus.
Allora, ¿que fer en ixe inte ta amanar-se a o publico que refusa ixo que amostras? A soluzion que en-daba yera emplegar o umor. Coneutar con a chen, creyar un binclo, dar confitanza.



Goyoso cabo d´año MP3!


MPMan F10 estio presentau en marzo de 1998, con una capazidad de 32 MB. Yera o primer reproductor mp3.
No ba plegar a estar un esito de bentas y una miqueta dimpues ba salir t´o mercau Río PMP300.

Briquet d´emerchenzia.

Refitolero briquet feito con una trunfa. Sin parolas.
Ta si tenez bels 5 menutes d´amurriamiento.

GÜE: amburguesa + pate



Asoben beyemos (y muitas begadas minchamos) lo que agora ye conoxiu como comida rapida y atros claman comida fiemo, as amburguesas y atros bocatas. Atra mena de comida emplegada en bocatas ta brendar ye o foie-gras o lo pate (uno en-ye de ganso u oca, y l´atro en-ye de cerdo.)

Y contimparando (anque a chen diz que contimparar ye odioso) güe charrare d´os FARDELES.

Ta yo ye un plato eponderau. Alto u baxo o fardel ye una amburguesa de pate e ixo ye berdadera nouvelle cuisine. Debantar o simple bocata d´amburguesa, que no dixa de estar una chabada de carne, a plato de cochillo y forqueta, antimas fendo-lo de foie.

O termino fardel fa alusion a la forma esterior, taleca o morral que lebaban os pastors ta portar os minchables y atrás cosas importans.

Comun, mas que mas, en as redoladas de Calatayud y Daroca, a lo menos bi-ye an en-trobo os millors y an creigo que en-son tradizionals.

(De fazil trobar ta mercar en Zaragoza.)

Ta una nuei elegan.


Tos dixo ista elegan y polida truqeta de 8 bits que boi trobar por istos mundos.
No tos la recomiendo ta una entrebista de treballo, nomas si en ye en bella interpresa mas friki que a truqueta mesma.

Prenzipiamos semana.


Ista semana ba a estar fartanera y rufertera. (Ixo aguardo...)

¿Por que digo isto? Ta que lo sepaz, soi un amante d´a cozina. D´a nuestra cozina y os nuestros guisos y tamien d´a intenazional, mas que mas a oriental. (Encara que mi mai me diz, a ormino, que foi “guisopos” u “comistrajes”, pos no le cuaca guaire a cozina forana.)
Ye asinas como me'n surte a nezesidat de mezclar as cozinas d´aquí y d´asti, a lo menos en o mio tozuelo.

Por ficar bels exemplos. ¿Ebaz parau cuenta que en o Sobrarbe ya feban sushi dende cutio?
Encara que no bi´n eba, de mar, ya feban o suyo maki-sushi con o que teneban a man, ye dezir, con a carne d´os animals que bi-eban, roz y o emboltorio comun ta atros cuchiflitos, as tripas. No, no son as morzillas… Me´n refiero a las Chiretas.

Embolber roz y rebutir-lo con bella coseta. O gran imbento que ba fer-se famoso con o sushi.

Chiretas, maki-sushi… o tamien as “Yaprak dolmasi” en turco, “Dolmen barg” en iraní, “Worac Inab” en libanes u “Sarma” t´os armenios.(Tot isto son fuellas de parra escaldadas con as que embolicar o roz y una mica carne, fendo un rulo. Tipico de Turquia y atros puestos arabes, como podez beyer.)

Arredol d´o mundo trobamos asinas platos de roz embolicao en alga nori, fuellas de parra u tripa de cordero, que clama-mos lamins u cuchiflitos, como o maki-sushi y as dolmas, muito parellanos a atros que son mas amanaus, como as chiretas. Platos que a chen en-troba en cualsiquier puesto de cualsiquier lugar. Pero ixo si, tien que estar foranos, porque trobar Chiretas en Zaragoza ye mas difizil que i beyer nebusquiar.


Y ye ubierta a rufierta con ista contimparazion.

Maitin mas y millor.



(Ye sapiu que os diaplerons yeran en as falsas, sera por ixo que en-saben muito, de guisar, pero agora malmeten os gadgets… cosas de que os lugars sean mas y mas batuecos. Bella cosa teneban que fer y en bel puesto teneban que estar.)

Garrastolendas en Bielsa

Garrastolendas y Bielsa.
Poliu conchunto de fiesta y tradizion, que cada añada se i beye por as carreras d´o lugar. La carauteristica mas important d'o carnabal belsetan ye la presenzia d'una colla de personaches arquetipicos: trangas, madamas, a yedra, l´onso, o amontato, cornelio y un largo etcetera de personaches se i troban, dando bida cada añada a ista festibidat.

Antimas, en o Sobrarbe podez trobar muitismos carnabals (cada cabo semana son en un lugar, ta que podaz beyer-los toz) como los d´A Fueba, Chisten o Nerin.

Iste bideo reculle o carnabal de Bielsa y os suyos personaches prenzipals.


O chuguete barrenau.

Sabado de maitins y muitisma murria.
No mas que amenistaz una fuella de papel ta fer un poliu chuguete, d´ixos ta fer o fato buen ratet.

Como fer de una fuella un pinforzio que no atura de chirar.

Tos dixo o bideo ta que prebez de fer-lo.



¡BIEMPLEGAUS!




Biemplegaus sigaz toz.


Prenzipio a escribir o blog ta charrar de ixas cosetas que me fan goyo, a yo y de seguras que a belun mas, fer-lo en ista polida luenga, que ye l´aragonés, y porque no dezir-lo, amillorar o mio ran.



Arredol de iste blog chiraran gadchets, manga, anime, teunolochia y frikadas en cheneral. (No tos espantez, que soi friki de un ran muitismo baxo!) Antimas metere, de cabo ta cuan, bella coseta d´o nuestro patrimonio cultural.

Aguardo escribir de tot que me bague y por muitismas añadas.

Baiga bueno.

Argumentario de la Lengua Aragonesa