.............................QUAN VEIGATZ EN ISTE BLOG UNA PAROLA D´ATRA COLOR... PUNCHATZ DENCIMA YE UN ENRASTRE!!

ROA EN ZARAGOZA

Si belun remera a BLU, y o rastro suyo por as carreras, talment belun haiga parau cuenta d´o rastro que va deixar ROA en o CINQUENO ASALTO (Festival d´Arte Urban Internacional de Zaragoza) en as fronteras d´a ciudat.









ROA ye o pseudonimo d´un graffiter Belga, conoxiu por as suyas representacions de granizos animals en blanco y negro.




En a suya WEB podretz veyer os suyos zaguers treballos... en o bico da Madalena, Zaragoza y en Brooklyn, New York City.






Si ye ixe o nuestro ran, ta yo, cal decir:

BANSKY COME TO ZARAGOZA, PLEASE!!


PRESENTACION DE CHITOS EN ZARAGOZA

O proximo diya 26 de Noviembre, Viernes, dende as 20:30 podretz bronxiar d´a ENGUERADA de CHITOS, o nuevo treballo de EUGENIO GRACIA, en "The Cavern Prior" (Plaza Santa Cruz, Zaragoza).

En iste treballo han colaborau:
Pilar Gonzalvo: Arpa
Susana Arregui: Nyckelharpa
Josu Ubierna: Acordeón
Rafél Sánchez: Acordeón
Luis Muro: Bajo
Toño Bernal: Bajo, Contrabajo
José Luis Seguer “Fletes”:Cajón
Joaquín Pardinilla: Guitarra
Alberto Artigas: Laúd
Jesús Acero: Gaita
Roberto Serrano: Violín
Elena Requejo: Pandereta
Kike Cruz: Percusiones
David Marco: Piano
Paco Blázquez: Guitarra
Leonor Bolsa: Acordeón
José Luis López: Guitarra Eléctrica
Pepín Banzo: Trompa, Guitarro, Guitarra
Rafa Rodrigo: Saxo
y como no... Eugenio Gracia: Gaitas, Chiflo y Chicotén, Saxo y Flauta

Como podretz veyer seria prou dificil, contar-ie con totz ells en a eguerada, asinas que o granizo Eugenio Gracia ha discurriu la traza de fer-lo realidat.

VIERNES 26/11/2010 ENGUERADA en The Cavern PRIOR

CHARRA-ME EN ARAGONES, PARLA´M EN CATALÀ

"Porque tengo ganas[...]"

EUGENIO GRACIA

Mayestro granizo, impresionant musico y millor persona,
Gaitero, plega de sacar t´o mercau musical CHITOS , innovadora propuesta an que arrocla tradicion y renovadora frescor d´a qual surten ixos Chitos; 13 Choyas naixidas d´a man d´un d´os mosicos con mas amplo treballo en guinya.

Novedat



No me cuacaria cosa cayer en servilismos y afalagos de baldes, nomas quiero reconoixer un treballo bien feito, un treballo que suena millor que bien, un treballo que como diz o mesmo autor ye: "una chicorrona muestra de composicions que Eugenio Gracia ha plantau t´a Gaita de boto e instrumentos tradicionals."

Goi m´en feria de saber muito mas de modos, ritmos, compases y acentos, pero no por fer una critica teorica arredol d´o disco, si no ta sacar-le tot o suco a cada canta, bronxiar as cantas dica la medolla, e descubrir tot o suyo significau.
Ye platero que no ye asinas...
Pero si que puedo, y d´ixo charrare, recentar que m´ha pareixiu iste granizo disco preto dedicau de raso A GAITA DE BOTO ARAGONESA.


Fa muitas anyadas, talment puestar por l ´inte que vive o mercau mosical, que no m´en iba ta una botigueta, me mercaba un disco prieto, m´en iba ta casa meteba o DP en a cadena y me espanzurraba en a cama... craso error... estio prencipiar a sonar " O Clarin Rusien" metie un blinco d´a cama y prencipie a bailotear. Jotas, Vals, Rumbas... As cantas se sucedeban una zaga atra, ascuitando tanimientres sonius tradicionals chunto a atros nuevos que encaxan en un puzzle machico, que suena muito mas que bien y que aunen orichinalidat, frescor y tradicion.
En tot o disco ye sobrebueno a claror d´o soniu, como ascuitas totz y cada un d´os instrumentos, como cada un tiene o suyo puesto esferenciau nitidament y como totz de vez fluyen como a sabia que fa rechitar a viella fusta d´ixe quasi milagroso clarin en ixas quasi milagrosas mans.

Como l´autor dando clase de gaita o disenyo d´o DP ye claro y conciso. En nomas 4 pachinas trobamos os 19 mosicos que han colaborau en ista creyacion, una chicorrona introduccion y uns cogitati. En o disenyo cal sinyalar os fondos do quadernet, pinturas de Leonor Bolsa (Click dencima d´o nombre ta veyer mas pinturas.)sobrebuenas, a yo me han pareixiu bien polidas, antimas de dar-le ,t´o quadernet, un aire esferen de raso.

Disco 300% recomendable (puestar un granizo present ta Nadal...) Tota una novedat que no cal deixar de sentir. No deixetz de mercar-lo!!

Puestos an que podetz mercar-lo AQUI.

Un nuevo acervo de mosica ta Gaita de boto Aragonesa.




PS: China chana t´os charrare de bella canta mas...

PROPUESTA ORTOGRAFICA DE L´ACADEMIA DE L´ARAGONES.

Maitin de tardis (19:00 horas en IES Jeronimo Zurita de Zaragoza) se presentara a Propuesta Ortografica de l´Academia de L´Aragones.

Y parixe pues que istas noticias son NOTICIA.



TORNA O DIAPLE

Dimpues de quasi una anyada "O Diaple" torna t´a istos mundos.
M´en seria prou de dificil d´explicar tot lo que ha perveniu en ista añada natural, dende o cancer de mi Pai [se suposa, por agora, superau] a muerte d´a mia lola materna, mas cancers, mas malautias... y asinas asinas... tota la santa anyada...
Dica os collons no ye decir cosa...

Tanimientres surtiba una Ley de Luengas, una Propuesta Ortografica (hue ye la primera vegada que la foi servir) y el mundo continaba chirando y chirando... entremistatno o chicorron mundo, mio s´aturaba en un puesto que no me cuacaba guaire...
Quan charraban d´a Ley de Luengas, chusto en ixos intes remeraba que mi pai mai no m´amostro a charrar como charran en o suyo lugar; Si una mica, pero mai no m´amostro de raso... por presion social, porque "pa que... fueras d´o suyo lugar", porque "asinas no le charres al chico", porque ixa luenga yera catalan e ista tierra, y a suya chen, ye como ye, somos como somos.
30 anyadas dimpues m´en joden y agora van y m´en dicen que ixo ye Aragones... ixo si... oriental!! Vaya por Dios!!
Diyas dimpues de que o medico mos comunicase que o garganchon de mi pai yera en perdicion y que nomas quedaba fer una Laringectomia o dar Quimio, prexine a posibilidat de no tornar a ascuitar-lo charrar como charraba en o suyo lugar. En ixe inte, ixe texto sobre as nuestras luengas cobro un atro significau, cobro mas significau que no mai.
De totas trazas y gracias a la sciencia, hue encara puedo charrar y ascuitar esa voz que a ormino (y aguardo que por muitismos tiempos) me chila, me corrixe y m´empenta a fer cosas
Gracias a la sciencia y a la fuerza de mi Pai hue puedo ascuitar ixas viellas parolas que mai no me faran avergonyar.
Aguardo que ixe texto faiga honra ta continar ascuitando charrar como a cadascu le pete!

Por la resta contina tot parexiu, sin garra treballo de contino, fendo muitas cosicas, mas hobbies y tañendo a Gaita Aragonesa.
Aguardo, por agora, esviellar o blog, escribir a ormino y continar con lo que dica hue ye iste blog una traza de fer o fato, amillorando o mio ran d´Aragones (caldra dar bel curset ascape sobre a nueva grafia)

Salut ta totz!
O Diaple