.............................QUAN VEIGATZ EN ISTE BLOG UNA PAROLA D´ATRA COLOR... PUNCHATZ DENCIMA YE UN ENRASTRE!!

A MIA COMIDA

Güe he treballau. Antimas per l´orario he de comer en o treballo.
Manimenos güe teneba que fer-me bella cosa espezial ta minchar y zelebrar o mio Santo y o diya d´Aragón.
Y como uno mai no puede dixar d´estar friki iste ye o resultau:

L´escudo de Sushi








DE BIACHE EN GRANADA و لاغلب إلاالله


و لاغلب إلاالله
WA LA GALIBA ILLA ALLAH


(Y NO BI-HA MAS BENZEDOR QUE DIOS
)

O lema d´os nazaries, no bi-ha mas benzedor que Dios, ye escrito por tota l´Alhambra (Al-hamra/La roja) miles y miles de begadas.



Prebad de contar en ista foto cuantas begadas puestar que siga escrito en nomas de 6 metros cuadraus...

NUEBO BLOG SOBRE IRPF


L´adreza ye:

http://fizienda.blogspot.com/

A ideya ye tener una pachina an desembolicar os dandaleos d´o IRPF y tener-la n´Aragones.
En ixa mesma pachina podrez preguntar cualsiquier dandaleo que tengaz ta enchergar a buestra Declarazion.
Aguardo que siga util y que tos faiga onra.

(Ta fer-la me fotiu buen rato, sobre tot mirando-me o dizionario)





DRAGON BALL


As creticas dimpues de enguerada a pelicula son prou plateras: Dragon Ball Evolution parixe estar a sucursal d´a femera.
Leigas an leigas as opinions no cambean cosa.

Tampoco no se yo si a bersion Coreana


o mesmo a bersion China tienen guaires diferenzias con a macroproduzion americana. A lo menos a o Mayestro Muten Roshi Chinos y Coreanos le metioron una coscarana de tortuga.



Iste ye o trailer ofizial asinas tos podrez fer ideya.

OM MANI PADME HUM



"OM MANI PADME HUM" ye conoxiu como o mantra unibersal, estando o mantra mas famoso d´o budismo. O mantra de 6 silabas d´o "bodhisattva d´a compasion" clamau Avalokiteshvara.
Se dize que o Dalai Lama ye una reencarnazion de Avalokiteshvara, enchaquia per la que iste mantra ye particularmen benerau per os suyos seguidors.
En muitas ocasions iste mantra se traduze como "A joya d´o loto".

Aqui tenez un bideo d´a prenunzizazion d´o mantra per o Benerable Rinpoche Drupon Thinley Ningpo:




Notas:
  • Un Mantra ye un estrumento ta liberar o esmo d´os pensamientos que lo embolican. Un mantra puestar una silaba, una palabra o una frase que dimpues de rezitada y segundiada ba lebando a la presona enta un estau de conzentazion.
Seguntes a tradizion budista "Pollivetana", un mantra no tien garra efeuto completo si a prautica d´a suya rezitazion no ye controlada y autorizada per un mayestro competen (Lama en tibetano o Guru en Sanscrito), refirmau per un linache de
mayestros.
  • O termin Compasion en o Budismo ye o deseyo d´alibiar o reduzir a sufrienza d´atros.

CARAMBOU / CULECA / MONA DE PASCUA






Iste tradizional bollo de Semana Santa siempre lo he clamau "carambou" (coc-amb-ou), (per enflujo paterno, asinas le dizen en Mequinensa y muitos atros lugars.)

O carambou ye un bollo de farina, azeite, zucre, empreñatura, ralladura de limon y un güego que se mete denzima d´a masa y que ye a carauteristica prenzipal y diferenzia d´a resta de bollos.

O nombre mas espardito ye Mona de Pascua encara que en atro puestos se le dize de trazas diferens.
En Borcha le dizen culeca y lo fan d´una traza parellana a la silueta d´una muller con os brazos en charras.



O costumbre ye minchar os carambous ta brendar y cuan quitas o güego cantar:

"AQUI EM PIC, AQUI EM COU, LO DIA PASCUA ESCLAFAREM L´OU"
(canta que encara me dize mi pai cada begada que beye un carmabou)

y esclafar-lo en a fren d´a presona que siga a o tuyo canto.