Con isto d´a globalizazion o mundo cada begada se torna mas chicorron. Isto rebaila cosas buenas y malas. En ista ocasion ye una cosa buena, curiosa y que me fa goyo contar.
Fa ya un tiempo boi conoxer a
Francho, (a suya pachina web ye simplamen orichinal) con qui boi coinzidir barias begadas o mesmo año.
As nuestras afizions comuns, entre ellas a
Cozina China, ba fer que prenzipiara una buena relazion, amas d´un intres comun per amillorar o nuestro ran en o difizil arte de conseguir amanar mas os nuestros platos t´o regusto orichinal y berdadero d´os Restaurans Chinos.
(O zaguer trunfo ba estar conseguir o regustico d´os tallarins fritos. Antimas d´a salsa de Soja, mos mancaba o ingredien secreto!! O
bin de Roz)
A dificultad ye trobar os ingrediens correutos. Muitas begadas os libros ozidentalizan as sabors,dan ingediens parellanos u muito chenerals.)
Uno d´ixos yera o
bin de roz. Bi abra lo menos 6 tipos de bin que bi aiga bisto como
Sake,
mirin o
mijiu.
![](https://blogger.googleusercontent.com/img/b/R29vZ2xl/AVvXsEiZzJcQmNsGGNzhmeApIOjuyiTfzcMYrhRBT7Nue-Thyphenhyphen83TmmcWk-1oZtousa0yZ0VHaafFq_7EcnE38qOEgbkdxf1UrdhSKHIFJR7ugW8_J197xcKzWPQ_HYfhBj4Rshg2Dp-ONUbcGbU/s320/IMG_0959.JPG)
![](https://blogger.googleusercontent.com/img/b/R29vZ2xl/AVvXsEiW-P77u0vSxq_F96IV-871bfzKB4LCV3fGjumqXoDx8Ofk8k4fqQmWK2el7EVmm-xY_N93Gpzto3B9KF8f0R2ZED79T5ZT4uawk9LlpFcHEi1MU2NEQ_x5X_QRIgi5-3sW547fQCpw-zc/s320/IMG_0953.JPG)
Ta os Fideos Fritos o millor bin ye iste d´as fotos. (Cal dizir que tardamos en trobar chustamen iste bin, pero a la fin conseguimos un plato perfeuto.)
Muitas charradas dimpues, y tras o biache de Francho a
Boston, (ba dizir-me que prebo as galletas d´a suerte, amen d´atra milenta de platos mas de cualsiquier puesto d´o mundo que se tos pase per o tozuelo) tornamos a fer-mos un cafe an ba dizir-me que tornaba a biachar a Boston
, y que si trobaba as galletas d´a suerte atra begada mas m´en mercaba y m´en trayeba.
A mala suerte ba fer que no en trobara ni en Boston, ni en a meya dozena de ziudaz que ba bisitar en o suyo biache.
Y as
casualidaz (Ista teoria ye ta esmos bien dispiertos, ta un domigo de maitins ye una mica embolicau) ban fer que fa dos semanas trobara as galletas d´a suerte en...
EXEA D´OS CABALLERS.
Yera mercando Lambrusquito con a mia nobia en o Lidl ta puyar a zenar a casa d´uns amigos en Santa, cuan de botiboleyo trobe as galletas d´a suerte!!
Dimpues de buscar as galletas por meyo mundo, yeran en o Lidl de Exea...
Ta pixar y no chitar chisla....
![](https://blogger.googleusercontent.com/img/b/R29vZ2xl/AVvXsEh2nrD33c8s4BjrHQRaiiOEqhxeRwBRhDF_hSp_teAPDzGJM9DASXfU4s-jSmeKIDBgVmX_1u4JSMFcgOxDC-kY3Net7HbRhqgq8Q6GOrHE00nIF6PXJ61XuYzDh2LaCOe8UcMjYev_83s/s400/P3080002.JPG)
![](https://blogger.googleusercontent.com/img/b/R29vZ2xl/AVvXsEgRi785V3nZg_J6QhHUPnA51lfWB6ZVl6oV8QTYjUaCPnGJSp2xlmXnYIpd-ZuUQmYxTt287I0U7g_FGQepPAudwe-qe5FEUeilvfQaLhSFuKTuw_SwRSScTxjnZbvl4p0S1gTqPWzf9ck/s320/P3080017.JPG)
![](https://blogger.googleusercontent.com/img/b/R29vZ2xl/AVvXsEhe_c3SBKRrHJK2gzigfyQDXzqMUKYXCOlrbV5CrTlFKTvXYPzvpYsq6S-wQ_FviaW7hOyQF9mNhY6-dmLBOlucxzw9VV6xouwId_iHFm-iLqm9-wn9f-lNJ55n-Lg1hH56-_4ZXUcBpxA/s320/P3080011.JPG)
![](https://blogger.googleusercontent.com/img/b/R29vZ2xl/AVvXsEjt9T8r5NrS_kQTxkJQ3s8QJukp5DZdUTp4XYZP7pauv0Q1Vq-qZoPLKRIGJZ55MjdgTXeGwkzQjwExiYxNWQUFx_K4zwx45YGDPPcXEJjY-mL2UDzXmC5OrPSFPeuHpKeQ4FXwwWAFjP0/s320/P3080010.JPG)
![](https://blogger.googleusercontent.com/img/b/R29vZ2xl/AVvXsEhN-O5R4uWJTU0HvRdxgGr9N00FR-gglLklfQq6UhjClMgTZtahQNnVFfQ6wMcXcwRQXDv0PXE84iNcJlawqfIm5qoTS1li_AIuogBi7LL4LALtWAxJCPjKCLKHp_4qEDeLhuU_RrBSybs/s320/P3080009.JPG)
![](https://blogger.googleusercontent.com/img/b/R29vZ2xl/AVvXsEj4ukob-t6UQiuPhs7Wgu_Y68P93vO8NjmB5iqaYtM78NpEOgY3bb30RUhTl0o0KvU6FZwzp5n7OF905BMYn1YviZ19XwPGzrPN9t9_FZXaA6V3EgeDAwA2YEup_biHPMv6tgkG-QDA6ss/s400/P3080020.JPG)
PD: Por a calendata de caduzida, no se cucaran as galletas. Alzo un par ta cuan tornes fer-mos un cafe! A plantar Firme ;-)